Skip to content

សារសម្តេចតេជោរ ហ៊ុន សែន ជូនចំពោះយុវវ័យ និងជនរួមជាតិ នៅថ្ងៃនៃក្តីស្រឡាញ់ទី១៤ ខែកុម្ភៈ ឆ្នាំ២០១៩!

TONG SOPRACH POSTED, 11 FEB. 2020

សួស្ដី​ចៅៗ​ក្មួយៗ​ និង​ជនរួម​ជាតិ​ទាំង​ឡាយ!​

ថ្ងៃនេះ​ជាថ្ងៃ ​១០​ កើត​ ខែមាឃ​ ឆ្នាំច​ បើ​និយាយ​ជាថ្ងៃ​តាម​ចន្ទគតិ​បែបនេះ​ ប្រហែល​ជា​គ្មាន​ក្មួយៗ​ ចៅៗ​ ណា​ចាប់​អារម្មណ៍​ទេ​មើល​ទៅ​ តែ​បើ​និយាយថា​ជា​ថ្ងៃ១៤​កុម្ភៈ​ ប្រហែល​ជាមាន​អ្នកចាប់​អារម្មណ៍​ច្រើន​ អ្នកខ្លះ​ប្រហែលជា​បាន​រៀបចំ​ផែនការ​រួចរាល់​ហើយផង​ក៏មិន​ដឹង​។

ថ្ងៃនេះ​តាមិន​ចង់​និយាយពី​រឿង​នយោបាយ​អីទេ​ គ្រាន់តែ​ចង់និយាយ​ទៅកាន់ចៅៗ​ដែល​ទើប​ពេញ​វ័យ​។​  ចៅៗ​សុទ្ធតែ​ដឹងហើយ​ថា​អ្វី​ដែល​គួរធ្វើ ​និង​អ្វីដែល​មិន​គួរធ្វើ​ ជាពិសេស​នៅ​ថ្ងៃ​ទិវា​នៃ​ក្តីស្រលាញ់​នេះ​តែម្តង​ ។  តា​និយាយ​នេះ​ មិនមែន​ចង់​ជ្រៀតជ្រែក​ចូល​កិច្ចការ​យុវវ័យ​នោះទេ​ តែ​ការប្រព្រឹត្ត​ខុស​ប្រពៃណី​ទំនៀម​ទម្លាប់​ខ្មែរ​ក៏​មិនមែន​ជាកិច្ចការ​យុវជន​យុវនារី​ដែរ​។

តា​មកដល់​អាយុ​ប៉ុណ្ណេះ​ តាក៏​ធ្លាប់ឆ្លង​កាត់​ជីវិត​យុវវ័យ​ដែរ​ តាដឹងថា​ អារម្មណ៍​រំភើប​ពេល​ជួប​អ្នក​ដែល​ខ្លួន​ស្រលាញ់​វា​យ៉ាង​ដូចម្តេច។  នៅ​ក្នុង​សម័យ​យុវវ័យ​របស់​តា ​និង​យាយ​ ទោះពេលនោះ​យើង​ស្ថិត​ក្នុង​សម័យ​សង្គ្រាម​តស៊ូ​ ទោះជា​ពួកយើង​ស្រលាញ់គ្នា​យ៉ាងណា​ ក៏ពួក​យើង​នៅតែ​គោរព​គ្នា​ រក្សា​ប្រពៃណី​ តស៊ូ​ជាមួយគ្នា​រហូត​ដល់​ក្លាយ​ជាប្តីប្រពន្ធ​ដែល​ទទួល​ស្គាល់​ដោយ​សង្គម​។

តា​បាន​អាន​អត្ថបទ​របស់​អ្នក​ស្រាវជ្រាវ​សង្គមម្នាក់​ដែល​គេបាន​កត់​សម្គាល់​ថាចៅៗ​យុវវ័យ​ឥឡូវ​ហាក់​ដូចជា​មាន​ភាពចាស់​ទុំច្រើន​ បើ​ប្រៀបធៀប​មើល​ពី​ឥរិយាបទ​ឆ្នាំមុនៗ​នៅ​ថ្ងៃបុណ្យ​នៃ​ក្តី​ស្រលាញ់​នេះ​។  ចៅៗ​ភាគច្រើន​ចេះ​គិតគូរ​ហើយ​មិន​ប្រព្រឹត្ត​អ្វី​ដែល​ផ្ទុយ​នឹង​ប្រពៃណី​ខ្មែរ​ឡើយ​។​ ការសិក្សា​នេះ​ធ្វើឱ្យ​តា​សប្បាយ​ចិត្ត ។​  ជាការពិត​ តា​តែងតែ​ចង់ឃើញ​ក្មួយៗ​ចៅៗ​កម្មករ​ កម្មការិនី​មាន​កូន​ពូន​ជា​ចៅ​ដោយ​សុភមង្គល​ ហើយ​សុភមង្គល​ត្រូវ​តែ​កើតចេញ​ពីការរៀប​ចំ​គ្រួសារ​មួយ​ត្រឹមត្រូវ​តាមច្បាប់​ និង​ទំនៀម​ទម្លាប់​ ប្រពៃណី​ខ្មែរ​  អំពើ​ផ្សេងពីនេះ​ នឹង​មិន​នាំ​មក​នូវ​សុភមង្គល​ឡើយ ​ទាំង​ខាង​ចៅស្រី​ក៏​ដូច​ជាខាង​ចៅប្រុស​។

សូម​ចៅៗ​ បង្ហាញ​នូវ​ការស្រលាញ់​ដោយ​ក្តីគោរព​ក្នុងថ្ងៃ​១៤​កុម្ភៈ​នេះ​។

 

ហ្វេសប៊ុកផេក សម្តេចតេជោ ហ៊ុន សែន នាយករដ្ឋមន្ត្រី កាលពីថ្ងៃទី១៤ ខែកុម្ភៈ ឆ្នាំ២០១៩

ហ្វេសប៊ុកផេក សម្តេចតេជោ ហ៊ុន​ សែន នាយករដ្ឋមន្ត្រី កាលពីថ្ងៃទី១៤ ខែកុម្ភៈ ឆ្នាំ២០១៩

 

លិខិតសរសើររបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះលោក តុង សុប្រាជ្ញ អ្នកស្រាវជ្រាវសុខភាពសាធារណៈ កាលពីថ្ងៃទី២ ខែមិនា ឆ្នាំ២០១០
លិខិតសរសើររបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចំពោះលោក តុង សុប្រាជ្ញ អ្នកស្រាវជ្រាវសុខភាពសាធារណៈ កាលពីថ្ងៃទី២ ខែមិនា ឆ្នាំ២០១០

Be First to Comment

    Leave a Reply

    Your email address will not be published. Required fields are marked *